REPENSANDO
A WEB
Outravolta coma
un camaleón esta
web muda de cor para ofertar somente información
e links relacionados coas novas tecnoloxias .
Medrarán os links e as miñas bookmarks compartidas,
se cadra tamén próspera a idea do fotolog...a
verdade sobrepasados os trinta paso de perder excesivo tempo
en deseñar interfaces web para o lucimento persoal .
Traballo
con Mac
OS, mais ainda uso Windows
2000 ou XP nalgunha
reliquia de 300
mghz que hai pola casa e instalo algunha
versión de Linux para amenizar eses momentos valeiros das fins de
semana que outras/os adican a resacas e lecturas dos suplementos
de prensa.
Disfruto da informática aparte
de viver dela, mais non son adicto a nada, nen defensor dunha
ou doutra marca ou sistema. Utilizo a tecnoloxia mais procuro
que non sexa ao contrário. Neste complicado comezo do século XXI nada
funciona coma nos venderan: seguimos percorrendo as cidades
montados en ruidosos aparellos que consumen cantidades inxentes
de combustiveis fóseis, os ordenadores son máquinas
tontas que funcionan a base de sistemas
que se colgan, non hai robots
que fagan o noso traballo, e esa Europa solidaria a que pertencemos
gasta millóns de euros en aramios para que Africa sega
a morrer de fame sen que o vexamos.
Apple fai
cartos cos iTunes e Microsoft levará Windows à Marte
se se descobre ali a existéncia dalgun
tipo de virus, mesmo alguen deveria exiliar ali ao ínclito Bill
Gates polo
ben da humanidade ou polo menos para axudar à saude mental
dalguns técnicos de hardware... Algun estudante de informática
será quen
de fabricar os seus própios drivers para linux e nada
cambiará
demasiado mentres importe máis a marca, cor ou modelo
de ordenador que o que se fai con el...
Desde
aqui contarei a miña particular visión da evolución
de cousas coma internet,
nacida de Arpanet -enxendro
militar ianqui produto da guerra fria-, a usabilidade e as
redes livre-pensadoras online e de activismo e hackivismo democrático
frente a imperios
monopolísticos e ditaduras
mediáticas que tentan aparvar-nos.
Haverá un pouco
de todo, máis non incluo blog (sempre vos quedará todonada.com )con
posibilidade de réplica, teredes no e-mail, a única
forma de contribución ou crítica ao aqui apareza.
Mentres eu estarei a reinstalar a última beta de Dreamweaver
ou a facer amaños e cableados no faiado desta casa chea
de ordenadores reciclados e paredes de pedra a proba de intrusións
wifi...
Miguel
Edreira - Primavera de 2007
MiguelEdreiraPontoCom
 No 2006 rexistrei o meu domínio persoal en iEspana Pro, Empresa francesa que oferta uns servizos MEDIOCRES. Polo mesmo prezo unha Empresa Galega oferta moitas máis prestacións cunha atención directa 24 Horas ao dia.
MUDANZA DE HOSTING.  (Abril de 2007)
Veño de mudar-me a Dinahosting, Empresa Galega cunhas excelentes prestacións e mellor atención online e telefónica 24/365.
E seguerá aqui toda esa información de links e artigos sobre informática tecnoloxia e temas variados serán accessiveis sen publicidade.
Deseño Web en Galicia - Diseño gráfico - Blogs - BlogMillo |
